Ай чи минь хаа явна вэ

Нялх багын сэтгэл
Халин нисээд одлоо
Халх монгол бүсгүйг
Хайж мөрөөдөх боллоо

Ай чи минь хаа явна вэ?

Аз заяа хурсан
Өрх гэрээ бариад
Өр зүрхнээ хослох
Хань минь чи хаа явна

Ай чи минь хаа явна вэ?

Нарт дэлхийн уудамд
Үүрд ханилах ханиа
Олж харахгүй явна уу
Онж танихгүй байна уу

Ай чи минь хаа явна вэ?

Асгын чулуу

Асгын чулуу ганц нэгээрээ

Ангасан адуу шиг гол бараадна аа

Уулын орой ундаасан цангаж

Униар дунд нь зүүрмэглэн байна

Уруу газар луу ус урсавч

Уур болон дээшээ дэгдэнэ ээ

Үүлэн цацал тэнгэрт хөөрч 

Үрэл мөнгөн дусал болно оо

Наранд ойрхон ч уулын орой

Насан туршдаа сэрүүхэн байна

Цариг цагаан тэргүүн дээр нь

Цасан титэм гялбанхан байна

Уруу газар луу ус урсавч

Уур болон дээшээ дэгдэнэ ээ

Үүлэн цацал тэнгэрт хөөрч 

Үрэл мөнгөн дусал болно оо

Наран хурын зохицол бүр дээр

Намжаа дэлхийн үзэмж тодорно оо

Насанд орших сайхан нутаг минь

Намайг чамайг уяраанхан байна

Уруу газар луу ус урсавч

Уур болон дээшээ дэгдэнэ ээ

Үүлэн цацал тэнгэрт хөөрч 

Үрэл мөнгөн дусал болно оо

Малчин заяа

Тогоотой сүүгээ нартай дэврэхэд

Тооноо мялаан самрах өглөө

Буман сүргээ одтой хотлоход

Буян нь тогтох хишиг өдөр өө

Дээдсээс өвлөсөн малчин заяа

Дэлхийд ховорхон морьтой заяа

Дээдсээс өвлөсөн малчин заяа

Дэлхийд ховорхон морьтой заяа

Эрдэнийн хуураа хөглөн татахад

Эгшигийг нь жаргаах үүдэн хоймор

Түмэн хүлэг нь очтой хатирахад

Дөрөөнд нь ургах өөдөө хийморь

Дээдсээс өвлөсөн малчин заяа

Дэлхийд ховорхон морьтой заяа

Дээдсээс өвлөсөн малчин заяа

Дэлхийд ховорхон морьтой заяа

Ухаантай буурлаа золтой түшихэд

Учирлан тунгаах эрдэнийн хөөрөг

Өлзийт удмаа галтай дагахад

Ерөөл нь очих үйлсын тэнгэр

Дээдсээс өвлөсөн малчин заяа

Дэлхийд ховорхон морьтой заяа

Дээдсээс өвлөсөн малчин заяа

Дэлхийд ховорхон морьтой заяа

Дээдсээс өвлөсөн малчин заяа

Мөрөөдлийн дуу

Таанын үнэрт салхи чи
Талын дээгүүр өнгөрөхдөө
Танхил хонгор түүнд минь
Танил дууг минь дамжуулаарай

Сэвсээ зөөлөн салхи чи
Сэлүүн талаар аялахдаа
Сэтгэлт хонгор түүнд минь
Сэтгэлийн үгийг минь шивнээрэй

Үелзүүр зөөлөн салхи чи
Үүлсийг хөөн наадахдаа
Үнэнч хонгор түүнийг минь
Үнсэн таалан илбээрэй

Хангайн сэрүүн салхи чи
Хаврын шувуудтай хамтдаа
Харьж намайг очино гээд
Хайртай түүд минь дамжуулаарай

Нүдэн

Дөч гарсан насанд минь чи

Ахиж амталсан алим

Дээдэд хамтдаа давхцсан 

Ганцхан шөнийн жаргал минь

Аргадаж эвлэж усалсан

Ариухан нандин цэцэгхэн минь

Амьдадаа хэзээ ч мартахгүй

Насны тод жаргал минь

Хосын хорвоод учирсан

Хоёр зүрхний хэмнэл

Хоёулаа хамтдаа сандарсан

Хамгийн гэгээн учрал минь

Хоёрхон биенээсээ салаагүй

Ариухан нэгхэн нууцхан минь

Холын холоос дурсах идэр насны

Гал халуун дурсамж минь

Хайрын орчлонд ууссан гал шиг

Залуу халуухан эхлэл минь

Халуун хөлсөө нийлүүлсэн миний 

Хамгаас үнэтэй цэг минь

Хаанаас ч хайгаад олохгүй

Хатан гоо үзэсгэлэн минь

Нандин тэр л нууцаа

Надтай хоёул хадгалсан

Нартад анх учирсан чамайгаа

Бодон дурсах юм хонгор минь

Намтар түүхээ надаас нуусан

Үүрийн цолмон од минь

Хайрын орчлонд ууссан гал шиг

Залуу халуухан эхлэл минь

Халуун хөлсөө нийлүүлсэн миний 

Хамгаас үнэтэй цэг минь

Намайг дотроо хааяа дурсаад, 

инээмсэглэж  байгаа болов уу.

Нарт тэнгэрийн дор

Орой дээрээс зулай төөнөн ээх наран

Оргим эрдэм соёл ундрам эх үеийн

Улам өргөн ч өрөөндөө сургах хүсэл

Ургах бүрдээ уужим хорвоод мандав аа

Ай даа үүнийг

Аз хиймортой шингээж

Аялах яруу найраг дуундаа өргөе өө

Нар дэлхийд намжаад тайван байя л гээд

Хүнийг таныг бүгдийг ургуулж төрүүлжээ

Найдлага дүүрэн сэтгэлд нийцсэн итгэлээрээ

Найруу дэлгэр мөнхийн тайвнаар хамгаалъя аа

Ай даа үүнийг

Аз хиймортой шингээж

Аялах яруу найраг дуундаа өргөе өө

Ай даа үүнийг

Аз хиймортой шингээж

Аялах яруу найраг дуундаа өргөе өө

Гэгээн цагаан сэтгэл дотроо гал дөлтэй

Хүний үрс хүж дэлхийд төрсөн болохоор

Ард олон амар тайван амьдарлаараа

Ариун цэнхэр тэнгэрийн дор жаргаая аа

Ай даа үүнийг

Аз хиймортой шингээж

Аялах яруу найраг дуундаа өргөе өө

Найраг дуундаа өргөе өө

Цэцэгэн зүйрлэл

Цэлгэрхэн талаасаа чамайгаа хайлаа

Цээлийн ягаан цэцгүүд дүүрэн байлаа

Цээлийн ягаан цэцгийн дэлбээг

Цэвэрхэн чинийхээ царайтай зүйрлэлээ

Уудамхан талаасаа чамайгаа хайлаа

Улаан өнгийн цэцгүүд дүүрэн байлаа

Улаан өнгийн сарнай цэцгийн дэлбээг

Ухаалаг чинийхээ уруултай зүйрлэлээ

Цайдамхан талаасаа чамайгаа хайлаа

Цагаан уул мөнхийн цэцгүүд байлаа

Цагаан өнгийн сарнай цэцгийн дэлбээг

Царайлаг чинийхээ царайтай зүйрлэлээ

Цагаан өнгийн сарнай цэцгийн дэлбээг

Царайлаг чинийхээ царайтай зүйрлэлээ